الكاس حلو.. زجل : عبد اللطيف صردي.

0 288

عباس من صغرو خدام فالبالة والفاس.
مادار مواعن من فضة ونحاس.
ماخضر طاجينو بلحم وبرقوق ولابسباس.
ماصاحب ناس ملكو مناجم ذهب وماس.
ما ضيفوه فعراس.
ما كبو عليه الما بييد وطاس.
وفالسوق عند مول البوق والكلاب حايد سنان وضراس.
ياك هو دري صغير حفر فالغابة باش يعيش خوتو بالترفاس.
ضرب تمارة فشلا خدامي وملي قل جهدو رماوه ولا عساس.
وكالو عباس ولا حايط بلا ساس.
وزادو دواو بالعلالي قالو لوحو لارواس.
وسولو عباس على قطر وبارصا والكورة والكأس.
وجاوب بلسان صريح وقال ماكاين بأس.
انا ماعندي ما لدير بهاذ صداع الراس.
راه كاسي وبرادي ديال اتاي يطير الوسواس.

قد يعجبك ايضا

اترك رد