من زجل الزجالة : حليمة حريري…..”دموع لوفا”.

0 453

دقتك في دواخلي دقة
حيت محبتك ليا كانت اصفا
ؤرشوقك كان للخاطر دفا
ؤليوم
هجرتي ؤعطيتني بلݣفا
فاض دمعي بلوفا
فيق طياب الطابݣ
بغوك راشم لݣليب
بين ضلوعي غارݣ
وحق لغاك لفيا مزال يترضض
وحق هواك لفيا مزال يعيدد
وحق جمارك لفيا مزال ترجدد
حتى نطلي لواح لمحضار
ؤنخلي السلكة جدبة
تمحي لغيار
تركب دمعة صبري
تبري على سكاتي لمدسوس
يبان في شوني مخبي
تهمد النار الݣادية فݣلبي
ؤ نخلي حلوفي حلوف
مرشوم على جباه لكفوف
ؤحق الدم
ؤما زمم لقلم
وحق ذوك لغوتات لصارو ردم
ؤذوك الدمعات لي حفرو من الخد لعظم
حتا نبدل جلد التنهيدة فكل اصباح
ؤنعلق الهم على رتاج الليل الصداح
ؤنمحي لواحي
نݣمد جراحي
يعيدد نواحي وزيد
ونݣول أراسي
مزال لبدو من جديد

قد يعجبك ايضا

اترك رد