من زجل مصطفى الصادق الأمين.

0 262

يا حبابنا عذرونا
كيف حالكم ؟ خبرونا
هاذ كورونا الملعونة
راها مجنونة
بعداتنا و فرقاتنا
و لا هي خلاتنا
نتجمعو حتى ف صلاتنا
أو نزوروكم و تزورونا
ملعونة … ملعونة
راها تدلح و تتسارى
ما تعرف خنات و لا حزارة
لا مسلمين هانيين
لا يهود و لا نصارى
ملعونة … ملعونة
كورونا المعفونة
بعداتنا و فرقات الشمل
ف أرواح الناس تقتل
ما تفرز … ما تعزل
ملهوطة ف لوطا
و حتى ف قرن الجبل
ملعونة … ملعونة
كورونا المعفونة
نترجاو اللي فات
و نترحمو عل اللي مات
و نديرو لكمامات
قبل ما يكفنونا
و بلا عزا يدفنونا
ملعونة … ملعونة
كورونا المعفونة
نبقاو ف ديورنا جميع
ما بغينا حد يضيع
نبقاو ف الدار
و نتفادو الخطر
ب غسيل ليدين ب الصابونة
ملعونة … ملعونة
كورونا المعفونة
و انتما يا اللي تحبونا
ما نقربوكم ما تقربونا
نبقاو بعاد
و نتوانسو مع لولاد
نقريوهوم و يقرونا
كورونا ما زالت غير تديع
نطلبو من الله السميع
يحفظ لبلاد و نجينا
من شر هاذ الكورونا
آمين يارب العالمين

قد يعجبك ايضا

اترك رد