من شعر الملحون.

0 191

لميمة ضو الدار **
لميمة الحنانا
نقول عليها اشعار **
وياما حملت الهانا
على خيرك ماني نكار **
شربنا حليبك وروانا
سهرتي علينا وحنا صغار**
وباتت عينك سهرانا
طيبتي انواع لجوار **
كي نقلك حتمني السخانا
نرقد في حضنك على الاشعار**
حتى صوتك مليان حنانا
صغري عشتو بيك من لخيار**
وعين لميمة ديما ترعانا
دار عليك والوقت ودار **
الحنانة راهي تعبانا
مسكنك يا الوالدة بين لشفار**
وخيرك ياما راهو امانا
رد الخير ياخويا لا تكون غدار**
طاعت الوالدين وصى عليها مولانا
قبل ما تسافر من الدار **
وتقول سكنت جبانة
جمال لمخلطي

قد يعجبك ايضا

اترك رد