عدنا نضحكو ولقلوب مليانا**
احنا وين وهوما وين
لي خانتو صحتو لاخر ملات الخانا**
بكيو عنها دمعت العين
غاب المحبوب وخبرو ماجانا**
ولا مرسول يغدالو في الحين
اما لي غابت صحتو راه في هانا**
احليلو واش يصبرو المسكين
درق خيالو بعد مكان معانا**
وعاد مكتف خونا من الرجلين
تهدو ليدين عاد ماينش ذبانة**
طاحت صحتو كان خونا متين
تمسات شمسو اليوم ورانا**
كانو لحباب عنا مجملين
الدنيا عبرة مهيش فطانا**
ويا سعد لي فايز بالدين
خيراتها وانعومها نخلوها ورانا**
ويا ويح عاق الوالدين
يا غالط شوف اهل الجبانا**
اذا كنتو عنها غافلين
راحو لحباب بالواحد خطانا**
بعد ماكنا في رحبة مجملين
حياتك يا خونا راهي امانا**
هكذا وصانا ربي العالمين
جمال لمخلطي