علقت عني ف لهوا ،
وبقات النظرة
مجلية موضرة
مكْودها بركان
لهيبو لسان
ساكناه ملكة جنية
ما تقبل هضرة
ما تخرج غير بالحضرة
خايفها ف يوم تحبط
ودموع لهموم تهبط
تعود سحابة و ضبابة
تفيض و تجيب الصابة
تبني عل لخذوذ سدود
تحمل وتفوت لحدود
يحمل الواد ف لبلاد
و تنوض النوضا
ولسان الكْوال مكْاد
ما جابتو موضا
ما يجرح ، ما يذبح ،
ما يبرّي على فوضى ،
ما يزاحم أولاد ف ركْاد
ما يقبل خواض
ولا أحكام مفروضة
يتكلم ب لسان
مرة حلاوة و نقاوة
مرة مرارة و حموضة
يخرج لكلام
قصيدة سايكْها موال
إهلل ب لسان هل الحال
ب حروف ما تعرف خوف
لغازها محفوظة
القلب ينبض
و الكْربة تنخض
و الكبدة معضوضة..