زجل– دربالة الروح —-
للزجال محمد نور الدين بن خديجة
—————————–
انا ما نبوح
غير باللي بغيت
وف قلبي يكون نوارة
وف حلمي طير مجروح
انا ما نبوح
ولو تطلع الروح
وف ضلوعي سري لمكتوم
حين شا فك
صار مفضوح
انا ما نطير
غير لسما فرحانة
وكيف نكون مسجون
وانت بي مشطون
وريشة من جناحي
بيها تكتب
على ذنوب القلب
ويتحل لقفزعلى دنيا جديدة
فيهاعيونك سكين
وانا المطعون
قلت نطير
ودقات على بابك
وتحل سجونك
وبدرابلي نمشي ليك
انت سيدي ف معاليك
وانا لفقير
ونبغي نطير
ما شي همي السحاب
ما شي همي النجوم
همي انت مهموم
سارح ومسروح
ولو كنت الروح
ف احوالك
نتعجب ونحير.
زجل- محمد نور الدين بن خديجة- المغرب