تدور الدنيا وتتبدل لحوال**
ولا يبقا شي على حالو
من بعد الفقر يجي المال**
وليام العاكسة ترجع تزهالو
حالك يالدنيا علينا حال**
قادر لعقيم يولي بعيالو
ولي كان فينا مايسال**
ينعل بليس ونجو في بالو
لا تدير لمان في الوقت البدال**
لعمر ماشي ماعندو ما بقالو
الدنيا غدارة وتلعب بالرجال**
والخارج منها رشات حبالو
الدنيا وجوه يا مزكي لحلال**
هكذا ناس زمان قبلنا ڨالو
اصبر يا ڨلبي وصبري مزال**
ضاق الحال علينا بهبالو
حڨرونا بالعين الناس الجهال**
هدرو بڨفانا ومادرنا والو
هب ياريح ماتحرك جبال**
ياغالط ڨمحي صعيب على كيالو
ڨايل لبيات لمخلطي جمال**
متنغم بكلام والشعر يحلالو
جمال لمخلطي